एजेन्सी— उत्तरपूर्वी हिन्द महासागरस्थित अन्डमान सागर मा डुंगा पल्टिँदा बालबालिकासहित करिब २५० रोहिंग्या र बंगलादेशी यात्रु बेपत्ता भएका छन्।
समाचार एजेन्सीहरूका अनुसार बंगलादेश बाट मलेसिया जाँदै गरेको माछा मार्ने डुंगा तीव्र हावा, खराब समुद्री अवस्था र अत्यधिक भीडका कारण दुर्घटनामा परेको हो।
एएफपीलाई बंगलादेश तटरक्षक ले दिएको जानकारीअनुसार अप्रिल ९ मा उद्धार टोलीले ९ जनालाई जीवितै उद्धार गरेको थियो। तर डुंगा कहिले र कसरी पल्टियो भन्ने यकिन विवरण अझै खुल्न सकेको छैन।
म्यानमार का अल्पसंख्यक समुदाय रोहिंग्याहरू सन् २०१७ मा भएको रोहिंग्या संकट २०१७ पछि ठूलो संख्यामा बंगलादेश पलायन भएका थिए। नागरिकता नपाएका कारण उनीहरू अझै पनि असुरक्षित जीवन बिताइरहेका छन्।
बंगलादेशका शरणार्थी शिविरहरूमा कठिन अवस्था झेलिरहेका रोहिंग्याहरूले जोखिमपूर्ण समुद्री यात्रा गर्दै मलेसिया पुग्ने प्रयास गर्ने क्रम अझै जारी रहेको बताइएको छ।
