विराटनगर ।सुनसरी कोशी प्रदेशस्तरीय पुरुष क्रिकेट छनोट प्रतियोगिताको फाइनलमा प्रवेश गरेको छ । सोमबार भएको पहिलो सेमिफाइनल खेलमा मोरङलाई ७ विकेटले हराउँदै सुनसरी अन्तिम दुईमा पुगेको हो ।
विराटनगरस्थित मेर्लीबन क्रिकेट ग्राउण्डमा १२३ रनको लक्ष्य
पाएको सुनसरीले १८.३ ओभरमा तीन विकेट गुमाउँदै पूरा गर्यो ।
सुनसरीलाई जिताउन रितेश रोयले ३६ रन बनाए भने गौरव कटवालले
२८ रन बनाए । यस्तै सोनु मण्डलले अविजित २४ रन जोड्दा रोहन साहले अविजित १६ रन
जोडे ।
बलिङतर्फ मोरङका प्रेम कामत, श्रवण किस्कु र
क्रिश शर्माले एकएक विकेट हात पारे ।
त्यसअघि मोरङले निर्धारित २० ओभर खेल्दा १० विकेटको क्षतिमा
१२२ रन बनाएको थियो । मोरङका लागि फिर्दोष अन्सारीले ४४ रन जोड्दा शाकिव हकले २२
रन जोडे । प्रेम कामतले १४ र रुद्रप्रताव साहले ११ रन जोडे ।
बलिङतर्फ शिवन यादव, भुपाल लुइँटेल, प्रकाश कार्की र
रविन मण्डलले समान दुई-दुई विकेट लिँदा समीर तिम्सिनाले एक विकेट हात पारे । अब
सुनसरीले मंगलबार (भोलि) हुने फाइनल खेलमा झापा र उदयपुरबीचको
विजेता टिमसँग खेल्नेछ । झापा र उदयपुरबीचको खेल अहिले जारी छ ।
पहिलोपल्ट नौ जिल्लालाई सहभागी गराएर
प्रदेश खेलकुद विकास बोर्ड, कोशी प्रदेशले
प्रदेशस्तरीय पुरुष क्रिकेट छनोट प्रतियोगिता थालेको थियो ।
छनोट प्रतियोगिताबाट १० औँ राष्ट्रिय
खेलकुद प्रतियोगिताका लागि कोशी प्रदेशलाई प्रतिनिधित्व गर्ने खेलाडीहरूको चयन
गर्ने बोर्डको तयारी रहेको छ ।


