बिराटचोक,१ फागुन । मोरङको सुन्दरहरैचामा जारी १ नम्बर प्रदेश स्तरीय फुटबल प्रतियोगिताको उदघाटन खेलमा रास्ट्रीय जागृती क्लब इटहरी बिजयी भएको छ । सुनसरीको पंचायाँन फुटबल क्लबलाइ सुन्यको बिरुद्द २ गोलको अन्तरले पराजित गरेको हो ।
दुई टीम बीच भएको आजको अत्यन्तै रोमाञ्चक खेलमा राष्ट्रिय जागृती क्लबका तर्फबाट पहिलो हाफको ३५ औं मिनेटमा जर्सी नं ११ का खमिर गिल्सनले पहिलो गोल गर्दै टिमलाइ अग्रता दिलाएका थिए । त्यस्तै, दोस्रो हाफको ६६औं मिनेटमा खमिरले नै दोश्रो गोल गरी टिमलाइ विजयी गराएका हुन । आजको खेलमा कन्दङवानै उत्कृष्ट खेलाडी घोषित भएका छन भने उनले रु २१०० र मेडल प्राप्त गरेका छन ।
प्रतियोगितामा राष्ट्रिय जागृती क्लबका खेलाडीले ३ वटा पहेलो कार्ड खाएका थिए भने पंचायन क्लबका १ जना खेलाडीले पहेलो कार्ड पाए । जसमा राष्ट्रिय जागृती क्लबका जर्सी नं १५ का राकेश गुरुङले पहिलो हाफको १२औं मिनेटमा, जर्सी नं १४ का दिनेश तामाङले ३९ औं मिनेटमा र जर्सी नं ८ का विमल मगरले दोश्रो हाफको ८२औं मिनेटमा पहेलो कार्ड पाएका थिए । त्यस्तै, पंचायन क्लबका जर्सी नं १० तिर्थ बस्नेतले दोश्रो हाफको ८१औं मिनेटमा पहेलो कार्ड पाए ।
सो फुटबल प्रतियोगिताको कार्यक्रमको प्रमुख अतिथि सुन्दरहरैचाका मेयर शिबप्रसाद ढकालले उदघाटन गरेका छन त्यसै गरी उपमेयर धना देबी तामाङ्ग , सुन्दरहरैचा ९ नम्बरका वडा अध्यक्ष राजकुमार कार्की,कार्यपालिका सदस्य भक्तकिरण राइ, १ नम्बर मुख्यमन्त्री शेरधन राइको स्वकीय सचिव तथा क्लबका पुर्व अध्यक्ष रमण थापा ,जनचेतना सामुदायिक बनका अध्यक्ष पुष्पबहादुर भुजेल लगायतको आतिथ्य रहेको थियो ।
कार्यक्रममा झरना युवा क्लबका अध्यक्ष प्रह्लाद पाठकको अध्यक्षतामा भएको कार्यक्रममा सचिव नगेन्द्र भुजेलले स्वागत मन्तब्य राखेका थिए भने संचालन अर्जुन गजुरेलले गरेका थिए ।
