केराबारी,२७ फागुन । आजबाट केराबारी गाउँपालिकामा दोस्रो गाउँपालिका स्तरीय खेलकुद प्रतियोगिता सुरु भएको छ । गाउँपालिका उप-प्रमुख तथा खेलकुद विकास समितिकि अध्यक्ष शान्ति कुमारी लिम्बूको अध्यक्षतामा आज उद्घाटन सत्र सम्पन्न भएको छ ।
गाउँपालिका प्रमुख रोहित कार्कीको प्रमुख आतिथ्यता तथा पुर्व जिविस सभापति खड्ग बहादुर बस्नेतको विशिष्ट आतिथ्यतामा सम्पन्न उद्घाटन सत्रमा १० वटा वडा देखि खेलकुद प्रेमी तथा खेलाडीहरुको सहभागिता रहेको थियो ।
कार्यक्रमको सञ्चालन केराबारी खेलकुद विकास समितिका सचिव विवेक भुजेलले गर्नुभएको थियो । चैत ५ सम्म चल्ने खेलकुद प्रतियोगिता फुटबल, भलिबल र डाेरितान गरि ३ विधामा चल्ने खेलकुद व्यवस्थापन उपसमितिका सदस्य सङ्गम कन्दङ्वाले बताउनु भयो ।
