विराटचोक — माेरङकाे सुन्दरहरैँचा ५ स्थित बाँसबारीमा रहेको सफल सिद्वार्थ एकेडेमीले विविध कार्यक्रम गरि ३१ औ वार्षिकाेत्सव मनाएकाे छ ।
बिहिवार भएको कार्यक्रममा सोही वडाका वडाध्यक्ष गणेश चाैधरीको प्रमुख आतिथ्यता रहेको थियो । वार्षिकाेत्सवकाे अवसर पारेर विद्यालयले अभिभावक दिवस संगै, दिक्षान्त समारोह एवम् नतिजा प्रकाशन गरेको थियो ।
कार्यक्रममा विद्यार्थीहरुले गीतसंगीत ,रमाइलो नृत्य , नाटक ,कराते लगायत प्रस्तुत गरेका थिए । कार्यक्रममा उत्कृष्ट विद्यार्थीलाई पुरस्कार वितरण गरिएकाे थियाे ।
कार्यक्रममा नयाँ वृद्वावन गाैशालाका संस्थापक संरक्षक दिनवन्धु शास्त्री,विद्यालयका संस्थापक सदस्य गाेविन्द कार्की,अध्यक्ष लेखुप्रसाद ढकाल ,प्रध्यानाध्यापक सविता ढकाल लगायतले मन्तव्य राखेका थिए ।
