- अम्बिका भण्डारी
बेलबारी —रतुवामाई नगरपालिकाले कृषकहरुलाई अनुदानमा वितरण गर्न खरिद गरेको खाद्यान्न सामग्री र कृषि शाखाबाट कृषकलाई अनुदानमा वितरण गर्न खरिद गरेको मल र बिउबिजन गुपचुपमै डस्फिनमा फालेको घटना सार्वजनिक भएपछि स्थानीय बासिन्दाले नगरपालिकामा तालाबन्दी गरेका छन् ।
म्याद हेलचेक्र्याइँ गरी सामानको म्याद गुजार्ने र र गुपचुममा सामान प्याक्ने कर्मचारीलाइ तत्काल निलम्बन गर्नुपर्ने माग राख्दै माओवादीको नेतृत्वमा बुधबार स्थानीयले नगरपालिकामा तालाबन्दी गरेका छन् ।
बुधबार करिब ३ बजे फोन गर्दा मेयर सिंहले आफुसहित केही कर्मचारीलाइ भित्रै थुनेर आन्दोलनकारीले नगरपालिकाको गेटमा ताला लगाइदिएकोले भित्रै थुनिएको बताए । बुधबार नै सहायक प्रमुख जिल्ला अधिकारीको नेतृत्वमा जिल्ला प्रसासन कार्यालयको टोली नगरपालिका पुगी आन्दोलनकारीसँग बार्ता गरेपनि बुधबार अबेरसम्म कुनै सहमति भएको छैन ।
म्याद गुज्रेका सामग्री डम्पिङसाइटबाटै जफत
जिल्ला प्रसाशन कार्यालयले ती सामान जफत गरी घटनाबारे छानविन थालेको छ ।
नगरपालिकाले मंगलबार छानविनका लागि पत्रकार गरेको छ । मेयर सिंहका अनुसार जिल्ला प्रशासन कार्यालय मोरङ्ले बुधबार रतुमामाइ ७ मा अबस्थित सम्पिङबाट पुरिएका सामग्री उत्खनन गरी जफत गरेको हो । जिल्ला प्रसासन सामान लगिसकेकोले अब अख्तियारले छनविन गर्ने र कर्मचारीहरु दोषी भए कारबाहीमा पर्ने मेयर सिंहले बताए ।
म्याद गुज्रेका सामानगरुको विवरण सार्वजनिक
यसैबीच रतुवामाइ नगरपालिकाले बैशाख १० गते सोमबार एक प्रेस बिज्ञप्ति प्रकाशित गर्दै म्याद गुज्रेका र काम नलाग्ने खाध्यान्न तथा मलखादको विवरण सार्वजनिक गरेको छ । बिज्ञप्तिमा उल्लेख भए अनुसार नगरपालिकामा २०७५ असारमा खरिद गरिएको ३ सय ५० केजी जैविक मल, २०७७ मा खरिद गर्न बाँकी रहेकोे ४५ केजी नुन, कृषि ज्ञान केन्द्रबाट प्राप्त भएको १०० प्याकेट तरकारी मिनि किट, २०७७ बैशाखमा किनिएको १ सय ७५ केजी सोना चामल, २०७७ सालमै खरिद गरिएको २५ केजी मुसुरी दाल र सोही महिनामै खरिद गरिएका २५ वटा साबुन मौज्दात थिए । ती सामग्रीहरु २०८० माघ २० गते ट्याक्टर तथा ब्याक हिलोडर मार्फत डस्पिङ साइट स्थलमा डम्पिङ गरिएको बिज्ञप्तिमा उल्लेख छ ।
