एजेन्सी—पतञ्जलि आयुर्वेदका संस्थापक बाबा रामदेव र आचार्य बालकृष्णविरुद्ध केरलाको पलक्कड जिल्ला अदालतले पक्राउ पुर्जी जारी गरेको छ । उनीहरूले कथित भ्रामक विज्ञापन उत्पन्न गरेको भन्दै पक्राउ पुर्जी जारी गरेको हो ।
तीन वर्षअघि केरलाका एक नेत्र रोग विशेषज्ञ डाक्टर के.भी. ले केन्द्रीय सरकारलाई उजुरी गरेका थिए ।
यस्तो भ्रामक विज्ञापनले उच्च रक्तचाप र मधुमेहजस्ता स्वास्थ्य समस्याहरू निको पार्न सक्ने दाबी गरिएको थियो, जुन औषधि तथा जादुई उपचार (आपत्तिजनक विज्ञापन) ऐन, १९५४ अन्तर्गत निषेधित छ। यस विषयमा केरलाको औषधि नियामकले दायर गरेको उजुरीका आधारमा कानुनी प्रक्रिया अघि बढाइएको हो।
रामदेव र पतञ्जलि आयुर्वेदविरुद्ध केरला र उत्तराखण्डमा गरी ११ वटा उजुरी दर्ता भएका छन्। हरिद्वार अदालतले पनि रामदेवलाई यस मुद्दासम्बन्धी सुनुवाइमा उपस्थित हुन पटक-पटक आदेश दिएको भए पनि उनले सहयोग नगरेको उल्लेख गरिएको छ। यो केसले पतञ्जलि आयुर्वेदका उत्पादनहरूमा गरिएका दाबीहरूको विश्वसनीयता र नियामक कानुनको पालना सम्बन्धी प्रश्न उठाएको छ।
