विराटनगर — मोरङको कटहरी गाउँपालिका–२ आदर्श टोलमा सोमबार साँझ ३२ वर्षीय पुरुषको लिंग उनकी महिला साथीले धारिलो हतियारले काटिदिएकी छन्।
प्रहरीका अनुसार पुरुष विवाहेतर सम्बन्धमा संलग्न थिए र भेटघाटकै क्रममा विवाद चर्किएपछि घटना भएको हो।
घाइते पुरुषलाई सुरुमा कोशी अस्पताल पुर्याइयो, तर अवस्था गम्भीर भएपछि नोबेल शिक्षण अस्पतालको आईसीयूमा उपचार भइरहेको छ। चिकित्सकका अनुसार लिंगमा गहिरो चोट लागेको र चुँडिन लागेको अवस्थामा उपचार जारी छ।
घटनापछि महिलालाई पनि कोशी अस्पताल पुर्याइयो र होस फर्किएपछि प्रहरीले उनलाई नियन्त्रणमा लिएको छ।
मोरङ प्रहरी प्रमुख एसपी कवित कटवालका अनुसार प्रारम्भिक अनुसन्धानले सम्बन्धजन्य विवादको संकेत देखाएको छ, तर वास्तविक कारण पत्ता लगाउन थप अनुसन्धान भइरहेको छ।
