काठमाडौं —नेकपा (एमाले) का अध्यक्ष केपी शर्मा ओलीले पार्टीको आगामी महाधिवेशन मंसिर २७ गतेदेखि पोखरामा गर्ने प्रस्ताव गर्नुभएको छ।
बुधबारदेखि सुरु भएको पार्टीको केन्द्रीय कमिटी बैठकमा ओलीले मंसिर २७, २८ र २९ गते पोखरामा महाधिवेशन आयोजना गर्ने प्रस्ताव राख्नुभएको हो। उक्त बैठकले अन्ततः महाधिवेशनको मिति र स्थान टुंगो लगाउनेछ।
एमालेको पछिल्लो विधान महाधिवेशन भदौ २० देखि २२ गतेसम्म काठमाडौंमा सम्पन्न भएको थियो। नयाँ महाधिवेशनले संगठन सुदृढीकरण, नेतृत्व चयन र आगामी राजनीतिक दिशाबारे निर्णय गर्ने अपेक्षा गरिएको छ।
_1739267551.png)
