काठमाडौं—नेपाल कम्युनिस्ट पार्टी (नेकपा)का तर्फबाट पर्सा क्षेत्र नम्बर २ का उम्मेदवार मनोज चौधरीसहित चार जनालाई प्रहरीले पक्राउ गरेको छ।
जिल्ला प्रहरी कार्यालय पर्साबाट खटिएको टोलीले नियमित सुरक्षा जाँचका क्रममा बडनिहार क्षेत्रमा चौधरी सवार गाडी रोकेको थियो। जाँचका क्रममा उनीसहित चार जनालाई नियन्त्रणमा लिइएको प्रहरीले जनाएको छ।
प्रहरीका अनुसार गाडीबाट शंकास्पद वस्तु समेत बरामद गरिएको छ। घटनाबारे थप अनुसन्धान भइरहेको र विस्तृत विवरण पत्रकार सम्मेलनमार्फत सार्वजनिक गरिने जनाइएको छ।
