एजेन्सी— अमेरिका की निकोल केरलाई चिकित्सकहरूले १३ मिनेटसम्म मृत घोषणा गरेका थिए। तर, आश्चर्यजनक रूपमा उनी पुनः जीवित भइन् र मृत्युपछिको अनुभवबारे सनसनीपूर्ण दाबी सार्वजनिक गरेकी छन्।
१९ वर्षको उमेरमा भएको भीषण सवारी दुर्घटनामा गम्भीर घाइते भएकी निकोललाई उद्धार टोलीले घटनास्थलमै मृत घोषणा गरेको थियो। तर उक्त अवधिमा आफूले ‘अर्को संसार’को अनुभूति गरेको उनले बताएकी छन्।
निकोलका अनुसार मृत अवस्थामा उनले आफ्नो शरीरलाई माथिबाट हेर्न सकेकी थिइन् र चारैतिर चम्किलो सेतो प्रकाशले घेरिएको अनुभव भएको थियो। “त्यो अनुभव अत्यन्त शान्त र आनन्ददायी थियो,” उनले भनेकी छन्। साथै, उक्त अवस्थामै आफूले दिवंगत हजुरबुवासँग भेट गरेको दाबी समेत गरेकी छन्।
पछि चिकित्सकहरूले सीपीआरमार्फत पुनर्जीवन दिएपछि उनी जीवित फर्किएकी थिइन्। उपचारका क्रममा उनले थप दुई पटक यस्तै ‘मृत्युनजिकको अनुभव’ भएको उल्लेख गरेकी छन्।
हाल ६२ वर्षकी निकोलले आफ्नो अनुभवका आधारमा “मृत्यु अन्त्य नभई नयाँ सुरुवात हो” भन्ने सन्देश दिँदै आएकी छन्।
वैज्ञानिकको धारणा अनुसार यस्तो अनुभवलाई Near-Death Experience भनिन्छ। वैज्ञानिकहरूका अनुसार यस्ता घटना व्यक्तिगत अनुभूति हुन् र पूर्ण रूपमा प्रमाणित तथ्य मानिँदैनन्।
निकोलको दाबीले धेरैलाई चासो जगाए पनि यसलाई वैज्ञानिक रूपमा पुष्टि नभएको व्यक्तिगत अनुभवका रूपमा बुझ्नुपर्ने विशेषज्ञहरूको भनाइ छ।
