गौर, १८ भदौं । रौतहटमा गोली हानेर हत्या गरिएको पुजारी श्रीराम साहको हत्यारालाई बचाउन षड्यन्त्र गरेको आरोप लगाउदै स्थानीयले प्रदेश–२ का मुख्यमन्त्री मोहम्मद लालबाबु राउतको कार्यक्रममा कालो झण्डा देखाएर विरोध गरेका छन् ।
रौतहटको माधवनारायण नगरपालिका–२, खेसरहियामा प्रहरी चौकी शिलान्यास गर्न मुख्यमन्त्री राउत र भूमि व्यवस्था, कृषि तथा सहकारी राज्यमन्त्री योगेन्द्र यादव उक्त स्थानमा पुगेका थिए । तर कार्यक्रम गर्न नपाउदै ठूलो संख्यामा उपस्थित स्थानीयले उनीहरुलाई कालो झण्डा देखाउनुको साथै नाराबाजी समेत गरेका थिए ।
भदौ ३ गते बेलुका खाना खाइरहेको बेला कन्चटमा गोली हानेर पुजारी श्रीराम साहको हत्या गरिएको थियो । आफ्नो निजी जीवनप्रतिको स्वार्थ परित्याग गरी सन्त बनेर समाजिक जीवन बिताइरहेका पुजारीको हत्या भएको भन्दै खेसरहियावासीसहित रौतहटका आम नागरिकले निष्पक्ष छानबिनको माग गर्दै आएका छन् ।
_1748709835.png)
