दाह्री ग्याङको फुड बैंकमा सक्रियता बढ्यो

भूमिप्रसाद पाठक,

पथरी,२१ भदौ। मोरङको पथरी शनिश्चरे नपा वडा नं. १० मा दर्जनौं सामाजिक अभियन्ताद्वारा स्थापित फुड बैंकलाई दाह्री ग्याङ,

पथरी शनिश्चरे नपाले अभियानको योजनाअन्तर्गत सक्रियता सहभागिता बढाएको छ । कोरोना कहरका कारण दैनिक ज्यालादारीमा आश्रित घरपरिवारजन भोकभोकै रहनुपर्ने अवस्था अन्त्य गर्न गएको १ हप्तायता फुड बैंक कार्यक्रममा सञ्चालनमा आएको छ ।

‘हुनेले दिऔँ, नहुनेले लिएर जाऔँ !’ मूल उद्घोषका साथ नगरभरि सञ्चालित यो खाद्य उपलब्धता अभियानमा दाह्री ग्याङ, पथरी शनिश्चरे नगर समितिले रूपैयाँ ५ हजार बराबरको सरसामान फुड बैंकलाई हस्तान्तरण गरेको छ । जसमा ५० पोका नुन, ५ बोरा सोयाबिन आदि हस्तान्तरण गरिएको सो ग्याङका नगर सदस्य एवं सामाजिक अगुवा युवा व्यक्तित्व राजकुमार विश्वकर्माले जानकारी दिनुभयो ।

यो सहयोगले पनि रोगभन्दा भोकको सन्त्रास बढी लिएका लक्षित समुदायलाई राहत हुने उद्देश्यका साथ सो सामाग्री उपलब्ध गराइएको हो, हामी र हाम्रो अभियानले फुड बैंक कार्यक्रमलाई अझ जनजनमा लैजाने छौं, दाह्री ग्याङका अर्का सदस्य नारायणप्रसाद दाहालले बताउनुभयो ।

  
यो अभियान अहिले वडा–वडा सघन ढंगले चलिरहेको छ । सहयोगी मनका धनीहरूले समेत विभिन्न ढंगले सहयोग पुर्‍याइरहनुभएको फुड बैंक अभियानका अभियन्ता प्रदीपकुमार राईले बताउनुभयो ।