विराटचोक,१५ पुस । झापाको पृथ्वीनगर स्थित सानाकिसान सहकारी संस्थाले स्वर्गीय उपप्रधानमन्त्री तथा अर्थमन्त्री भरतमोहन अधिकारीलाई मरणोपरान्त अभिनन्दन गर्ने भएको छ ।
पुस १८ गते हुने २४ औ साधारण सभाको अवस्वरमा उहाँलाई अभिनन्दन गर्ने भएको हो ।संस्था र सम्पूर्ण साना किसानहरुलाई पुर्याउनु भएको अतुलनिय योगदानको कदर गर्दै अभिनन्दन गर्न लागिएको संस्था कि अध्यक्ष ईन्दिरा निरौलाले बताउनु भयो ।
सोही संस्थाबाट निर्मित स्व. भरतमोहन स्मृति विश्रामालयको समेत उद्घाटन कार्यक्रम हुने भएकोले भरतमोहन स्मृति प्रतिष्ठानकी संरक्षक सविता अधिकारीलाई उपस्थितिका लागि निमन्त्रणा गरिएको संस्थाबाट जानकारी भएको छ ।
त्यसैगरी मोरङको सुन्दरहरैंचा १० निवासी सहकारीकर्मि महेश आचार्यलाई पनि सम्मान गरिने भएको छ । झापाका किसानहरुलाई सहयोगी भूमिका निर्वाह गरे बापत साना किसानहरुकै माझ सम्मान गरिने अध्यक्ष निरौलाले बताउनु भयो ।
मोरङको सुन्दरहरैंचा नगरपालिकाको पारिश्रमिक बहुउद्देश्यीय सहकारी संस्थाको शिक्षा उप समिति सदस्य समेत रहेका आचार्य सहकारी विज्ञको रुपमा परिचित छन ।
समेत लामो समय देखि सहकारी आन्दोलनमा सकृय रहेका आचार्य आश लाग्ला युवा हुन् । पुस १६ गते हुने राष्ट्रिय सहकारी बैंक लिमिटेडको निर्वाचनमा लेखा तथा सुपरीवेक्षण समिति सदस्य पदमा आचार्यले उम्मेदवारी दिएका छन् ।
