एजेन्सी । धेरै व्यक्तिहरूको लागि भारतीय साउथ फिल्म क्षेत्रमा आउन ठुलै सपना भन्दा कम छैन। तर भारतीय साउथ फिल्मका दिग्गज कलाकारहरू रवि तेजा राम्रो अभिनयका लागि चिनिन्छन्,धेरै संघर्ष र संघर्षपछि उनले उद्योगमा आफ्नो नाम कमाउने सुनौलो अवसर पाएका छन् ।
तेलुगु फिल्म उद्योगमा अमिताभ भनेर चिनिने सुपरहिट अभिनेता जसको अभिनयको सिंगो फिल्म इन्डस्ट्रीमा चर्चा छ । यस्ता कलाकारको जीवनी सबैका लागि प्रेरणा बन्ने गर्छ । हालसम्म ६० भन्दा बढी चलचित्रमा काम गरिसकेका रवि तेजाले आज आफ्नो जन्मदिन मनाउँदै छन्।
रविको जन्म २६ जनवरी १९६८ मा आन्ध्र प्रदेशको जगमपेट्टामा भएको थियो । उनको पूरा नाम रविशंकर राजु भूपतिराजु हो। रविले सन् १९९० को फिल्म ‘कर्तव्यम’ बाट सहायक अभिनेताको रुपमा आफ्नो करियर सुरु गरेपनि त्यसपछि उनले काम पाउन छाडेर स–साना भूमिकामा अभिनय गर्न थालेका थिए।
सन् १९९६ मा उनले कृष्ण वाम्सीलाई भेटेपछि रविको भाग्य बदलियो । वामसीसँगै उनले फिल्म ‘नेने पल्लदुथा’ मा सहायक निर्देशकको सानो भूमिका पनि गरेका थिए । वामसी रविको कामबाट धेरै प्रभावित भएपछि उनले अर्को फिल्म ‘सिन्धुराम’ मा रविलाई नायकको भूमिका दिएका थिए । यो फिल्म हिट भयो । फिल्मले तेलुगुमा उत्कृष्ट फिचर फिल्मको लागि राष्ट्रिय पुरस्कार जित्यो, त्यसपछि सबैले रविलाई चिन्न थाले।
अब नायक बन्नु अघि रविको जीवन कस्तो थियो ?
धेरै दर्शकरुको मनमा राज गर्न सफल भएका तेजाको बाल्यकाल गरिबीमा बितेको थियो । रविलाई पढाइमा खासै रुचि थिएन उनका बुवाआमाले उनलाई पढाउँन धेरै कोशिस गरेका थिए पढ्न सकेनन । त्यसपछि सन् १९८८ मा रवि जागिरको खोजीमा चेन्नई गए कामको लागि धेरै दिन भौतारिए तर राम्रो काम पाउन सकेन । उनको संघर्षको समयमा एकजना व्याक्तिले रविलाई फिल्मी दुनियाँमा करियर बनाउन सल्लाह दिएका थिए । त्यसपछि रवि फिल्मतिर लागेका हुन् ।
