बेलबारी,२० फागुन । नेपाल राष्ट्रिय शिक्षक संगठन बेलबारी नगर समितिको चौथो नगर परिषदले बिभिन्न निर्णयहरु गर्दै भेला सम्पन्न गरेको छ । शुक्रवार बेलवारी ११ स्थित लक्ष्मीमाविको बहुजातीय सांस्कृतिक संग्रालयको सभाहलमा भएको भेलामा संगठनका नगर अध्यक्ष पूर्णप्रसाद कोइरालाले प्रगति प्रतिवेदन तथा आगामी कार्यक्रम प्रस्तुत गर्नु भएको थियो ।
भेलामा सेवानिवृत्त शिक्षक तथा कर्मचारी लाई सम्मान पत्र साहित विदाई कार्यक्रम गरिएको संगठनका नगर सचिव गणेशप्रसाद आचार्यले जानकारी दिनुभयो । कार्यक्रममा शिक्षा सेवा आयोगबाट भर्खर नियुक्ति लई आउने तथा अन्य पालिका तथा जिल्ला सरुवा भई आउने शिक्षक हरुलाई बधाई साथै स्वागत गरिएको थियो ।
भेलामा संगठनका कोन्द्रिय समिति सदस्य तथा कोसी प्रदेश इन्चार्ज र धर्मानन्द खरेलको प्रमुख आतिथ्यता र मोरङ जिल्ला कमिटीका उपाध्यक्ष बलराम पोखरेल शिक्षक महासंघ बेलबारी अध्यक्ष गोविन्द भण्डारीको विशिष्ट आतिथ्यता रहेको थियो ।
त्यसैगरी संगठनका राष्ट्रिय प्रतिनिधि हरिप्रसाद सुवेदी,जिल्ला सदस्यहरु इन्द्रबहादुर थापा,प्रेम कार्की,धर्मकुमारी कालाखेती,पुर्व जिल्ला लेखा संयोजक दुर्गा गौतम, बेलबारीका पुर्व नगर अध्यक्ष खगेन्द्र लुइँटेल लगायतको आतिथ्यता रहेको थियो ।
संगठनका नगर अध्यक्ष पूर्णप्रसाद कोइरालाको अध्यक्षतामा भएको उक्त कार्यक्रम नगर सचिव गणेशप्रसाद आचार्य र ह- सचिव पम्फादेवी अधिकारीले संयुक्त रुपमा सञ्चालन गर्नु भएको थियो ।
