सिधुवा — तेह्रथुमको बसन्तपुर स्थित तीनजुरेमा रहेको पाथीभरा मन्दिर लगायत वरिपरि सरसफाइ गरिएको छ । धनकुटाको सिधुवाबाट गएका सचेत छथर जोरपाटी युवा समुहले मन्दिर परिसर लगायत वरिपरि सरसफाइ गरेका हुन् ।
आउदो नयाँ वर्ष २०८१ मा मन्दिर आउने तिर्थालुहरुलाई लक्षित गरिएको सरसफाइ गरिएको स्थानिय युवा खेमराज सुब्बा योङहाङ्गले जानकारी दिए ।
सरसफाइ अभियानले तिर्थालुहरुलाई यस क्षेत्र गुराँस नटिपि दिन आफुले ल्याएका बस्तुहरु निश्चिति ठाँउमा फाली सहयोग गरीदिन अनुरोध पनि गरेको छ । छथर जोरपाटी युवा समुहले मन्दिर परिसरका स्थानिय लालिगुराँस युवा समुहलाई आउने दिनहरुमा यसैगरि सक्रिय भइ आफ्नो 'गाउँ आफै बनाउ 'भन्ने अभियान चलाउन सुझाव पनि दिएको छ ।
सरसफाइ अभियानमा खेमराज सुब्बा योङहाङ्ग,कृष्ण सिजाली मगर, सुशील श्रेष्ठ,मोहन श्रेष्ठ, किरण खुलाल,मनोज मगर चेत भण्डारी,दिपक मगर साथै धरान का १ सक्रिय युवाको सहभागिता रहेको थियो । उक्त मन्दिरको सरसफाइमा जुटेका सहयोगीहरुलाई छथर जोरपाटी १ युवा व्यवसायी बलदीप राईले खाजापानीको व्यवस्था गरेका थिए ।
