विराटनगर — कोशी प्रदेशका मुख्यमन्त्री केदार कार्कीले गरेको हात्तीमैत्री पदयात्राका बारे कोशी प्रदेश सभाको सार्वजनिक लेखा समितिले सोधेका प्रश्नको जवाफ दिन पर्यटन, वन तथा वातावरण मन्त्रालयले आलटाल गरेको पाइएको छ ।
गएको फागुन ९ देखि १७ गतेसम्म मुख्यमन्त्री केदार कार्कीले गरेको हात्तीमैत्री पदयात्राका बारेमा लेखा समितिले पर्यटन, वन तथा वातावरण मन्त्रालयलाई पाँच बुँदे प्रश्न सोधेर लिखित जवाफ मागेपनि मन्त्रालयले जवाफ नदिएको हो । मन्त्रालयले जवाफ नदिएपछि पुनः अर्को पत्र लेखिएको सार्वजनिक लेखा समितिका समितिका जेष्ठ सदस्य (सभापति) किशोर चन्द्र दुलालले बताए ।
यो पनि — मुख्यमन्त्रीको पैदलयात्रा : हात्ती आयो हात्ती आयो फुस्स
_1790091518.gif)
_1790090749.png)
लेखा समितिको चैत १४ गते बसेको बैठकले निर्णय गरेर जवाफ मागेको थियो । ‘हामीले सात दिनभित्रमा लिखित जवाफ दिन भनेका थियौं,’ सभापति किशोरचन्द्र दुलाले भने ‘जवाफ नआएपछि पुनः अर्को पत्र पठाएका छौं ।’
मुख्यमन्त्री कार्कीसहितको टोलीले झापादेखि उदयपुरसम्मका २४ स्थानीय तह, ५६ सामुदायिक र चार साझेदारी वनक्षेत्र हुँदै २४३ किलोमिटर पैदल यात्रा गरेका थिए । टोलीमा कार्कीसहित निर्वतमान पर्यटन, वन तथा वातावरणमन्त्री गणेशप्रसाद उप्रेती, मन्त्रालयका सचिव विशाल घिमिरे, हात्ती विज्ञहरुसहित दैनिक ८० जना भन्दा बढी सहभागी थिए । पदयात्राले मानव हात्तीबीचको द्वन्द्वको कारण पहिचान र समस्या निराकरणमा केन्द्रित रहेको जनाइएको थियो ।
_1748709835.png)
