विराटचोक — मोरङको सुन्दरहररैँचा- ५ मा रहेको गुराॅश एकता टोल विकास संस्थाको प्रथम वार्षिक साधारण सभा सम्पन्न भएको छ । संस्थाले आज असोज-३ अर्थात संविधान दिवसको दिन पारेर साधारण सभा सम्पन्न गरेको हो ।
तीनपैनी चोकमा भएको उक्त साधारण सभामा संस्थाका सचिव कुमार सुवेदीले वार्षिक र आर्थिक प्रतिवेदन प्रस्तुत गरेका थिए । कार्यक्रममा सुन्दरहररैँचा नगरपालिकाका -५ का वडाधय्क्ष गणेश चौधरी को प्रमूख आतिथ्यता रहेको थियो ।
संस्थाको तदर्थ् समितिका अध्यक्ष यमबहादुर पौडेलको अध्यक्षतामा सम्पन्न भएको कार्यक्रमलाई सचिव कुमार सुवेदीले संचालन गरेका थिए ।
करिव ७५ ओटा भन्दा बढी घरधुरी बाट भएको भेलाले कुमार सुवेदीको अध्यक्षमा ११ सदस्यिय नयाँ कार्यसमिति चयन गरेको छ । त्यसैगरी उपाध्यक्षमा सीता पोखरेल, सचिवमा सुमन राई र कोषाध्यक्षमा चन्द्रकला अधिकारी चयन भएका छन् ।
नव गठितलाई समितिलाई वडाधय्क्ष गणेश चौधरी सबै घरधुरीबाट सहभागी उपभोक्ता सदस्यहरूले बधाई तथा शुभकामना दिएको स्थानिय समाजसेवी विशाल गुरागाईले जानकारी दिए ।
