काठमाडौं—राष्ट्रिय स्वतन्त्र पार्टी (रास्वपा)ले भूपदेव शाहलाई महामन्त्रीमा मनोनीत गरेको छ। सोमबार बसेको केन्द्रीय समिति बैठकले शाहलाई उक्त जिम्मेवारी दिने प्रस्ताव अनुमोदन गरेको पार्टीका प्रवक्ता मनिष झाले जानकारी दिए।
यसअघि केन्द्रीय सदस्य रहेका शाह पछिल्लो समय पार्टीभित्र सक्रिय भूमिकामा देखिँदै आएका थिए। उनी काठमाडौं महानगरपालिकाका मेयर बालेन्द्र शाह (बालेन शाह)सँग निकट रूपमा काम गर्दै आएका व्यक्ति हुन्। बालेन मेयरमा निर्वाचित भएपछि भूपदेव शाह उनको प्रमुख स्वकीय सचिवका रूपमा कार्यरत थिए।
शाहले पछिल्लो प्रतिनिधिसभा निर्वाचनमा अछाम क्षेत्र नम्बर–२ बाट उम्मेदवारी दिएका थिए। तर, उनी निर्वाचनमा भने पराजित भएका थिए।
यसैबीच, रास्वपाले सचिवालयमा पनि नयाँ सदस्य थप गरेको छ। बैठकले सागर ढकाल र सरिता श्री ज्ञवालीलाई सचिवालय सदस्यमा मनोनीत गरेको प्रवक्ता झाले बताए। यी मनोनयनहरू बालेन शाहको सिफारिसमा गरिएको जनाइएको छ।
पार्टीभित्र नयाँ जिम्मेवारी र संरचना विस्तारसँगै रास्वपाले संगठन सुदृढीकरणमा जोड दिएको देखिन्छ।
