विराटचोक — माेरङकाे बेलबारीमा बेलबारी कला साहित्य महोत्सव २०८१ सुरू भएको छ। बेलबारी नगरपालिकाको प्रमुख सहयोग र बेलबारी प्रज्ञा प्रतिष्ठानको आयोजनामा बिहिबार देखि उक्त महोत्सव सुरुभएको हो ।
बेलबारी बहुमुखी क्याम्पसको प्रांगणमा भएको महोत्सवको मेयर दिलप्रसाद राईले एक भव्य समारोहका बीच उदघाटन गरेका छन् ।
महोत्सवमा वक्तृत्वकला, कविता लेखन कार्यशाला, लघुकथा लेखन कार्यशाला, चित्रकला कार्यशाला, ज्येष्ठ नागरिक संग बालबालिका कार्यक्रम, चलचित्र लगायत विभिन्न विधाका कार्यक्रम हुने बेलबारी प्रज्ञा प्रतिष्ठानका सदस्य टेकराज मगरले जानकारी दिए ।
बिहान १० बजे देखि बेलुकी ५ बजे महोत्सव खुल्ला हुने बताइएको छ । महोत्सव जेठ १९ गते सम्म संचालन हुनेछ । महोत्सवमा नगर भित्रका विद्यालयहरूले विभिन्न प्रदर्शनी समेत राखेका छन् । बेलबारी प्रज्ञा प्रतिष्ठानकी अध्यक्ष रेखा सुवेदीको अध्यक्षतामा उदघाटन कार्यक्रम सम्पन्न भएको थियो ।
