- मणिराम दाहाल
विराटचोक—काेशी प्रदेशका मुख्यमन्त्री हिक्मतकुमार कार्कीले शिक्षा राम्रो र अनुशासीत भएमा देशकाे गति अगाडि बढ्ने बताएका छन् ।
मोरङको सुन्दरहरैंचा नगरपालिकास्थित साजीलाल माध्यमिक विद्यालयकाे ५९ औ वार्षिकोत्सब तथा अभिभावक भेलाकाे कार्यक्रमलाई सम्बाेधन गर्दै शिक्षामा राम्रो सुधारकाे गति नदेखिएको उल्लेख गरे । उनले देशका विज्ञ राजनीतिक दल तथा जनप्रतिनिधि एक भएर देशमा शिक्षाकाे हित र विकास गर्न जरुरी रहेको धारणा राखे । मुख्यमन्त्री कार्कीले भने `` विद्यालयमा देखिएको समस्यालाई एकैचाेटी पूरा गर्न सकिदैन् । विद्यालयमा देखिएकाे समस्यामा लगानी गर्न तयार छु । सामुदायिक विद्यालयमा सवारी साधनकाे आवश्यता देखिएकोले सामाजिक मन्त्रालयमा जानकारी गराएको छु ´´।
उनले समारोहलाई थप सम्बाेधन गर्दै साजिलाल मावि यस क्षेत्रकाे पुरानो विद्यालय भएकोले बालबालिकाकाे हित र पढाइका लागि सबैकाे साथ सहयाेगकाे खाँचो परेको बताए । विद्यालयमा देखिएको समस्यालाई विस्तारै सावधान गरेर साझेदारीकाे माध्यमबाट अगाडि बढ्न जरुरी भएको मुख्यमन्त्री कार्कीले उल्लेख गरे । शिक्षाकाे हित र प्रगतिकाे लागि कुनै कसुर बाँकी नराख्ने मुख्यमन्त्री कार्कीले जानकारी दिए ।
समारोहकाे अवसरमा विद्यालयका प्रधानाध्यापक श्यामबाबु काफ्लेले विद्यालयकाे वार्षिक प्रतिवेदन प्रस्तुत गरेका थिए ।
उनले कक्षा नर्सरीदेखि १२ सम्ममा हाल २८ सय ५२ जना विद्यार्थीहरू अध्ययनरत रहेको उल्लेख गरे । विद्यालयलाई वि.स. २०२१ सालमा समाजसेबी, शिक्षाप्रेमी दाता स्व. ननीलाल चौधरी तथा खडानन्द चौधरीको परिवारबाट आफ्ना पिता स्व. साजीलाल चौधरीका नाममा करिब २१ बिगाहा जमिन दान गरेकाे उल्लेख गरिएकाे छ । विभिन्न समयमा समाजसेवी तथा शिक्षाप्रेमीहरूको पहलमा विद्यालयको नाममा दर्ता हुन आएको करिव २७ विगाहा जमिन गरी जम्मा ४८ बिगाहा विद्यालयको स्वमित्वमा रहेको प्र अ काफ्लेले उल्लेख गरे । उनले विद्यालय परिसरमा दुई बिगाहाको कम्पाउण्ड, ४५ वटा कोठा पक्की तथा कच्ची भवन , खानेपानीको व्यवस्था, पर्याप्त मात्रामा शौचालय, दुई वटा क्यान्टिन, विद्यालयको आफ्नै २ वटा स्कुल वस रहेको जानकारी दिए ।
समारोहमा नगर प्रमुख केदारप्रसाद गुरागाईले नगरपालिकाले विद्यालयलाई गरेको लगानीकाे प्रतिफल आफुले हेर्न चाहेको बताए । उनले शिक्षामा थप सुधार र गुणस्तरकाे खाँचो परेको उल्लेख गर्दै अबकाे शिक्षाले समाजकाे सुधार गरेर विद्यार्थीकाे भविष्य निर्माण गर्न अघि बढ्नु पर्ने विचार व्यक्त गरे । कार्यक्रममा विद्यालय प्राेत्साहन तथा अक्षयकाेषबाट विद्यालयका शिक्षकलाई सम्मान गरिएको थियाे ।
कार्यक्रममा काेशी प्रदेशका मुख्यमन्त्री कार्कीले स्व. साजिलाल चाैधरीकाे सालिकमा मार्लापर्ण गरेका थिए । उनले विद्यार्थीले राखेको वृहत विज्ञान प्रर्दशनीकाे अवलोकन गर्दै विद्यालयकाे मुखपत्र विमाेचन गरेका थिए । समारोहमा विद्यार्थी तथा शिक्षकले रमाइलो नृत्य ,गीत ,कविता , मुक्तक लगायत प्रस्तुत गरेका थिए । कार्यक्रमकाे सञ्चालन शिक्षक भवानीशंकर ढकाल तथा नराेत्तम श्रेष्ठबाट भएको थियाे ।
