विराटचोक,१३ साउन । मोरङको सुन्दरहरैचामा नेसनल प्याब्सन नगर कार्यसमितिको दाश्रो नगर अधिवेशन सम्पन्न भएको छ ।शुक्रबार सुन्दरहरैंचा १० मा रहेको हिमालय इङलिस स्कुलमा भएको अधिवेशनले सुरेस कुमार खवासको अध्यक्षमा ७ सदस्यिय नयाँ कार्य समिती चयन भएको छ ।
त्यसैगरी समितीको उपाध्यक्षमा सुर्य खवास,सचिवमा खगेन्द्र धिमाल,काेषाध्यक्षमा नगेन्द्र प्रसाद लुईटेल,र सदस्यहरुमा रविन विष्ट,इश्वर ओझा,सिर्जना कट्टेल रहेका छन् । प्याब्सनका केन्द्रीय सचिव राजन कुमार छराहाङ् संयोजक रहेको निर्वाचन समितिले नयाँ समितीको नाम घोषणा गरेको थियो ।
नगरका १७ वटा सदस्य रहेका विद्यालयबाट सबै सर्व सहमतिमा समिति चयन भएको एन प्याब्सनका कोशी प्रदेश समितीका सहसचिव कमल खनालले जानकारी दिए ।
एन प्याब्सनका पुर्व नगर अध्यक्ष महेन्द्र राईको अध्यक्षतामा भएको अधिवेशनमा प्याब्सन केन्द्रीय महासचिव पारसमणि दाहालको प्रमुख आतिथ्यता रहेको थियो भने मोरङ जिल्ला सचिव नारायण ढकाल लगायतको उपस्थित रहेकेा थियेा।
