काठमाडौं । सरकारले आज महत्वपुर्ण विषयमा आफ्नो आधिकारीक धारणा राखेको छ । केही दिन देखि चर्चामा रहेको भारतीय तरकारीसम्बन्धमा सरकारले जनतालाई विष नख्वाउने भन्दै जेकजाँच जारी राख्ने बताएको छ । सरकारका तर्फबाट सुचना तथा सञ्चारमन्त्री एंम प्रवता गोकुल बास्कोटाले यस्तो बताउनु भएको हो । सरकारले भारतलाई पनि नेपालबाट जाने कुराहरुमा ध्यान दिन सरकारले अपिल गरेको छ । यस्तै, काठमाडौंमा पानीको फोहोरा प्रयोग गर्ने तर तराईमा किन गो*ली चलाइन्छ भन्ने सञ्चारकर्मीको जिज्ञासमा उहाँले भीडको अवस्था हेरेर नियन्त्रणम लिन खोजिएको भन्नुभयो । यस्ता प्रश्नले माहोल तताउने भन्दै स्रोत साधन र तत्कालीन परिस्थिति हेरेर शान्ति–सुरक्षा कायम गर्नुपर्ने सरकारको दायित्व बहनमात्रै गरिएको उहाँले स्पष्ट पार्नुभयो । गो*ली हान्ने र दमन गर्ने सरकारको नियत नरहेको उहाँको दावी छ । कतै हानिएको भए परिस्थितिजन्य कारण भएको उहाँले बताउनुभयो । उहाँले भन्नुभयो, ‘ठट्टा गर्नेको पनि सीमा हुन्छ । संवेदनशील विषयमा रमाइलो नगरौँ । माधव घिमिरेले भनेझैँ देशै नरहे कहाँ ठट्टा गर्छौं ?’ सरकारले सार्वजनिक गरेका मन्त्रिपरिषद् बैठकले गरेका विभिन्न निर्णय
बागमती नदीको तटीय क्षेत्र सुधारका लागि एसियाली विकास बैंकसँग सहुलियत ऋण लिन अर्थ मन्त्रालयका सहसचिबको नेतृत्वमा आठ सदस्यीय वार्ता समिति गठन गरिएको छ भने जर्मन सरकारको तर्फबाट हुने विभिन्न आर्थिक सहयोग लिन अर्थ मन्त्रालयका सहसचिबलाई अख्तियारी दिइएको छ । अवकास प्राप्त कर्मचारी र अन्यलाई तलब, भत्ताका लागि तीन करोड ८२ लाख रुपैंया नेपाल औषधी लिमेटेडलाई उपलब्ध गराउने मन्त्रिपरिषद्को निर्णय रहेको छ । गुठी तथा सरकारी जग्गाको छानविनका लागि गठित नेपाल प्रहरी सिआइबीको समितिको म्याद दुई महिना थप गरिएको छ। इन्जिनियरिङ् परिषद्को एनमा थप गरी राजपत्रमा प्रकाशित गर्ने निर्णय भएको छ । केन्द्रीय बाल कल्याण समिति र जिल्ला बाल कल्याण समितिका कर्मचारीको समायोजन गरिएको छ ।
तीनजना महासेनानीलाई सहायक रथी दर्जामा पदोन्नती गरी पदस्थापन गर्ने तथा १६ जना सहायक रथीलाई सरुवा गर्ने निर्णय गरिएको छ। प्राविधिक सहायक रथी कमाल सिंह प्रधान, प्राविधिक महासेनानी शरदलाल श्रेष्ठ र प्राविधिक प्रमुख सेनानी किरण श्रेष्ठलाई पदोन्नती गरी पदस्थापन गर्ने निर्णय गरिएको छ । मन्त्रिपरिषद्ले प्राविधिक महासेनानी डा। मुकुन्द सिंह श्रेष्ठ र प्राविधिक प्रमुख सेनानी डा। सुनिता पन्तलाई पदोन्नती गरी पदस्थापन गर्ने तथा प्राविधिक सहायक रथी डा। अरुण कुमार न्यौपानेलाई सरुवा गर्ने निर्णय गरेको छ।
माथिल्लो चिरख्वा खोला जल विद्युत आयोजना ९ सय ४७ मेगावाटको हेडवर्क्स र पाइपलाइन लगायत संरचना निर्माण गर्न भोजपुर जिल्लाको षडानन्द नगरपालिका १ र २ मा रहेको चौतारेस्थित राष्ट्रिय वन क्षेत्रको कूल ०।२२ हेक्टर जग्गा ३० वर्षसम्म प्रयोग गर्न र त्यहाँ रहेका ३५ वटा रुखबिरुवा हटाउन स्वीकृति दिइएको छ । तल्लो खारे १ सय ३२ केभी विद्युत प्रशारणलाइन आयोजना (सुरी–सिगंटीसम्म ४.३० किलोमिटर) को राइट अफ वेसहित केही टावर संरचना निर्माण गर्न गौरीशंकर संरक्षण क्षेत्रभित्रको (दोलखाको गौरीशंकर) बिगु र कालिन्चोक गाउँपालिकामा रहेको कूल ५.४१ (हेक्टर, स्थायी तबरले ०.३० हेक्टर र अस्थायी तवरले ५.११ हेक्टर) राष्ट्रिय वन र सरकारी वन क्षेत्रको जग्गा २५ वर्षसम्म प्रयोग गर्न र त्यहाँ रहेका ५ सय १३ रुखबिरुवा हटाउन स्वीकृति दिइएको छ।
चालु आर्थिक वर्षदेखि सार्वजनिक विद्यालयका प्रारम्भिक बालविकास केन्द्रका सहयोगी कार्यकर्ता र विद्यालय कर्मचारीहरूलाई नेपाल सरकारका अन्य कर्मचारी र शिक्षकसरह पोशाक भत्ता उपलब्ध गराउने निर्णय गरिएको छ । सशस्त्र द्वन्द्वमा घाइते भई अपाङ्गता भएका व्यक्तिको अपाङ्गता प्रतिशत निर्धारण तथा पुनरावलोकन (प्रथम संशोधन) कार्यविधि २०७६ तथा माओवादी सेनाका घाइते अपाङ्ग लडाकुहरू, सशस्त्र द्वन्द्व, ऐतिहासिक जनआन्दोलन र मधेस आन्दोलनका घाइते अपाङ्गहरूका लागि पुनर्स्थापना र हेरचाह (प्रथम संशोधन) निर्देशिका, २०७६ स्वीकृत गरिएको छ। क्यासिनो (चौथो संशोधन) नियमावली, २०७५ स्वीकृत गरिएको छ।
