पथरी,११ पुस । मोरङको पथरीशनिश्चरे ०२ उत्साही साना किसानद्वारा आयाेजित नगरस्तरीय सुन्दर हस्तलेखन प्रतियोगितामा प्रथम, द्वितीय य र तृतिय स्थान हासिल गरेको छ।
आज सम्पन्न भएको कार्यक्रममा पथरीशनिश्चरे नगरभित्रका संस्थागत र सामुदायिक विद्यालयका विद्यार्थीहरुलाई उछिन्दै रेडस्टार माविले सो नतिजा हासिल गरेको हो।
सो प्रतियोगिताका लागि कक्षा ५ बाट छात्रतर्फ प्रथम हुन सफल आयुष तिम्सिना र छात्रातर्फ द्वितीय हुन सफल सुविना घिमिरे सहभागी भएका हुन् । त्यस्तै , कक्षा ६ बाट छात्रतर्फ जेस्पर लिम्बु प्रथम स्थान र छात्रातर्फ रीदिमा भण्डारी तृतीय स्थान हासिल गरेको रेडस्टार माविका निर्देशक/ प्रिन्सिपल टी.एन. तिम्सिनाले बताएका छन्।
उक्त विद्यालयले याे सफलता हाँसिल गर्नमा नियमित रुपमा हस्तलेखन कक्षा मार्फत विद्यार्थीहरुलाई प्राेत्साहन गर्न हस्तलेखन प्रशिक्षक तथा रेडस्टार शिक्षक शम्भुराज घिमिरेले जानकारी दिए।
