घरेलु उपचारले कहिलेकाहीँ यस्ता काम गर्छ जसले धेरै रोगलाई जरैबाट हटाइदिन्छ। यस्तै एउटा घरेलु तरिका हो बासी रोटी। वास्तवमा प्रायः मानिसहरूले भनेको सुन्नु भएको होला रातको समयमा बाँकी रहेको खाना खाँदा फूड पोइजनिंगको जोखिम हुन सक्छ। तर, गहुँको रोटीको कुरा गर्ने हो भने राती उग्रिएको बासी रोटीलाई बिना डर खान सकिन्छ ।
राती उग्रिएको रोटीमा पर्याप्त मात्रामा फाइबर पाइन्छ, जसले गर्दा खाना पचाउन सजिलो हुन्छ । दैनिक बिहान बासी रोटी दुधसँग खाँदा शरीरका धेरै रोग निको हुन्छ । तर, बासी रोटीलाई १५ घण्टाभन्दा बढी समयसम्म राख्ने हो भने यो स्वास्थ्यका लागि हानिकारक हुन्छ त्यसैले त्यो समय भन्दा अगाडि बनेको रोटी खान सकिन्छ ।
- बासी रोटी खाँदा कुन-कुन रोग निको हुन्छ र कसरी खाने भन्ने बारे जान्नुहोस्।
मधुमेह : रोटीको ग्लाइसेमिक इन्डेक्स कम हुन्छ । यसमा भिटामिन बी, आइरन, क्याल्सियम, म्याग्नेसियम र पोटासियम राम्रो मात्रामा पाइन्छ। चिनीको समस्याबाट छुटकारा पाउन बासी रोटी निकै प्रभावकारी हुन्छ । यसका लागि हरेक दिन बासी रोटी दूधसँग खानुहोस्। यसो गर्नाले व्यक्तिको सुगर कन्ट्रोल रहन्छ । यति मात्र होइन, बासी रोटीलाई चिसो दूधमा १० मिनेट भिजाएर खाइयो भने यसको फाइदा बढी हुन्छ । यसले रक्तचापलाई पनि नियन्त्रणमा राख्छ ।
रक्तचाप : बासी रोटीलाई चिसो दूधमा १० मिनेट भिजाउनुहोस् । बिहानको नास्तामा दूधमा भिजाएर यो रोटी खानुहोस् । आफ्नो रोजाइ अनुसार यो रोटीमा दूधमा चिनी पनि मिसाउन सक्नुहुन्छ। यसो गर्नाले मानिसको उच्च रक्तचापको समस्या हट्छ । यसका साथै यसो गर्नाले गर्मीमा शरीरको तापक्रम पनि सही रहन्छ ।
तनाव हटाउन : पेट गडबडीका कारण बारम्बार तनाव महसुस हुन्छ भने बासी रोटी दुधसँग खानुहोस् । यसो गर्नाले पेट सम्बन्धी समस्या निको हुन्छ र तनाव पनि हुँदैन ।
बासी रोटीले तौल पनि घटाउँछ । वास्तवमा बासी रोटीमा फाइबरको मात्रा बढी हुन्छ । जबकि यसमा सोडियम कम हुन्छ। यही कारणले गर्दा बासी रोटी पाचनका लागि राम्रो हुन्छ र रगतमा चिनीको मात्रा पनि कम राख्छ। यसले तौल पनि नियन्त्रणमा राख्छ ।
नोट- बासी रोटी दुधसँग खाँदा शरीरमा कुनै हानि नहुने भए पनि यसको सेवन गर्दा सुगर र रक्तचापको औषधिलाई पूर्ण रूपमा नछोड्नुहोस्। समय समयमा आफ्नो मेडिकल चेकअप गराइरहनुहोस्।
