लेटाङ, १० असार । मोरङको लेटाङ नगरपालिकाको नवौ नगरसभा सम्पन्न भएको छ । नगरसभाद्धारा आर्थि बर्ष २०७८ / ०७९ को लागि ९० करोड ८६ लाख २७ हजार रुपैयाको बजेट ल्याएको छ ।
बिहिबार बसेको नगरसभामा नगरउपप्रमुख कृष्णकुमारी निरौलाले उक्त बजेट नगरसभा समक्ष पेश गर्नुभएको हो । पुर्वाधार विकास तर्फ ४५ करोड ७० लाख ७० हजार रुपैया विनियोजन भएको छ । त्यस्तै सामाजिक विकास तर्फ २८ करोड ४३ लाख १२ हजार रुपैया विनियोजन भएको छ । आर्थिक विकासमा २ करोड ८९ लाख ९५ हजार र कार्यालय संचालन तथा प्रसासनीक खर्चमा १० करोड ९६ लाख गरि ९० करोड ८६ लाख २७ हजार रुपैयाको बजेट प्रस्तुत भएको हो ।
कुल बजेटको चालु तर्फ ४६.४ प्रतिशत र पुजीँ तर्फ ५३.६ प्रतिशत रहेको छ । गत आर्थिक बर्षको बजेट ७७ करोड ७६ लाख ३२ हजार ८ सय १८ रुपैया भन्दा ७८÷८९ को बजेट १३ करोड १८ लाख ९४ हजार १ सय ८२ अर्थात १६.९८ प्रतिशतले बढि हो ।
प्रस्तावित बजेट पुर्तीका लागि संघिय सरकार वाट प्राप्त समानिकरण अनुदान श्ररु १२ करोड ५० लाख, राजश्व वाडफाँडवाट ९ करोड ८५ लाख ६३ हजार ४ सय ८० रुपैया ,सशर्त २० करोड ९३ लाख , संघीय सरकार समपुरक अनुदान १ करोड १५ लाख , संघीय सरकार विशेष अनुदान १ करोड ९९ लाख , संघीय सरकार अन्य अनुदान ५० लाख रहेको उल्लेख गरिएको छ ।
त्यस्तै प्रदेश सरकार वाट समपुर अनुदान १ करोड, समानिकरण अनुदान ७२ लाख ११ हजार, सशर्त अनुदान १ करोड ५० हजार, जिल्ला समन्वय समिति वाट ५८ लाख ४३ हजार, आन्तरिक राजश्व वाट प्राप्त हुने १९ करोड ७१ लाख २ हजार ५ सय २० रुपैया र गत वर्षको अनुमानित नगद मौज्दात २० करोड , नगद सहभागिता १ करोड ५० लाख रहने बजेटमा उल्लेख गरिएको छ ।
नगरसभाका तस्विरहरु :
